Pas publikimit në media të detajeve mbi dy ngjarje të vitit 2005, prokuroria ka nisur hetim për nxjerrje të sekretit të SPAK.
Sipas një njoftimi zyrtar të Prokurorisë pranë Gjykatës së Shkallës së Parë, ndalohet publikimi i vendimit dhe akteve hetimore, lidhur me çështjet në fjalë për të cilat janë arrestuar disa persona. Prokuroria ndërsa kërkon mirëkuptimin e medias në zbatimin rigoroz të ligjit.
“Prokuroria pranë Gjykates se Shkalles se Pare, Tiranë, duke marre shkak nga publikimi i te dhënave sekret hetimor, per rastin ne hetim nga Prokuroria e Posaçme kunder Korrupsionit dhe Krimit te Organizuar, ka filluar kryesisht hetimet sipas nenit 313/b te Kodit Penal. Sipas vendimit te Gjykates me Nr 115 date 02.12.2020, me te cilin jane caktuar masat e sigurimit personal Arrest ne burg, per disa shtetas, sipas nenit 238 te Kodit te Procedures Penale, eshte vendosur ndalimi i publikimit te ketij vendimi, bazuar ne nenin 103 pg, 2 dhe pg 3 te Kodit te Procedures Penale. Ne keto rrethana publikimi ne kundërshtim me vendimin parashikohet si vepër penale, sipas nenit 313/b te Kodit Penal. Duke mirëkuptuar interesimin e madh si dhe duke respektuar te drejten e informimit, kerkojme mirëkuptimin e medias ne zbatimin rigoroz te ligjit”, njofton prokuroria.
