Pas daljes së Londrës zyrtare nga Bashkimi Europian, vjen edhe fundi i projektit Erasmus, i zyrtarizuar nga kryeministri Boris Johnsson.
Bëhet fjalë për programin që ka mundësuar ndër vite periudha të caktuara studimi për dhjetëra mijëra studentë europianë që dëshironin një eksperiencë arsimore britanike. Por edhe anasjelltas, të mijëra britanikëve që kërkonin të jetonin një periudhë larg ishullit, në një klimë më të mirë, kryesisht në Francë, Itali dhe Spanjë.
Por jo të gjithë britanikët do të kenë të njëjtin fat.
Qeveria irlandeze, vend i BE-së, ka deklaruar se studentët e Irlandës së Veriut, pjesë e Britanisë së Madhe, do të vijojnë me programin Erasmus, me fonde të garantuara nga vetë Dublini, sepse “është rëndësishme që ishulli të mbetet i bashkuar nga kjo pikëpamje”, shkruan A2CNN.
Qeveria angleze deklaroi zëvendësimin e programit të shkëmbimit europian me një tjetër, të quajtur “Alan Turing”, që do të mundësojë shkëmbime me vende nga e gjithë bota, por jo atë europianë.
Sipas komunikimeve zyrtare nga Londra, me vitet numri i studentëve nga BE që vinin në Britaninë e Madhe ishte dyfishi i atyre britanikë në gjithë vendet e Bashkimit Europian, duke vënë në vështirësi gjetjen e strehimit si dhe kostot për periudhën e studimit.
