Arsen Preçi dhe Arben Spahiu janë arrestuar gjatë fundjavës pasi tentuan të zhduknin provat pas dështimit të një atentati në Elbasan. Arben Spahiu, kunati i i Erjon Alibej ka deklaruar para punonjësve të policisë që zbarkuan në shtëpinë e tij se nuk lidhje me makinën e vjedhur dhe armëve të gjetura brenda saj.
“Përse duhet të vini në banesën time për makina që gjeni rrugëve dhe s’kam punë unë me to…” i ka thënë Spahiu,
Automjeti tip BMW u gjet nga policia në lagjen Emin Matragjiu, në vendin e quajtur ish-Konservimi, brenda të cilit u gjetën armë dhe lënde djegëse.
Arsen Preçin dhe Arben Spahiun u është caktuar masa e sigurisë nga Gjykata e Rrethit Gjyqësor Elbasan.
Preçit i është caktuar masa e arrestit “Burg me afat”, masë e vendosur për 60 ditë, ndërsa për Spahiun masa “Arrest me burg”, me afat 60 ditor.
Bëhet me dije se Preçi dhe Spahiu rezultojnë dy njerëzit më besnikë të grupit kriminal të Erion Alibejt, i cili ndodhet në paraburgim pasi akuzohet se ka porositur vrasjen e Emiljano Ramazanit dhe Regis Runaj.
Seanca u kryesua nga Gjyqtari Elis Dine, ndërsa Prokurorë të çështjes janë Kreshnik Ajazi, Drejtues i Prokurorisë dhe Arbër Berexha.
Sipas News 24, në dosjen hetimore thuhet se: “Arben Spahiu jeton disa metra larg vendit ku është gjetur automjeti dhe rezulton se kishte dijeni për automjetin BMW X6”.
Por ai u arrestua vetëm në momentin, kur një punonjës i pastrimit, zbuloi në koshat e plehrave, një çantë brenda së cilës kishte armë, kapele, dokumente dhe sende të tjera.
Prokuroria thotë se në në çantë u gjet edhe çelësi i automjetit të markës BMW X6, si dhe një pasaportë dhe një leje drejtimi greke në emër të shtetasit Kostantinos Lolos, por me foton e Arben Spahiut. ndërkohë ne lidhje me të dyshuarin tjetër, Arsen Preci, Prokuroria thotë se në celularin e e tij, u zbulua një mesazh që ai i kishte dërguar personit të njohur me emrin Mondi, të cilit i kërkonte të mos i japë policisë numrin e tij, ndërsa interesohej për makinën tip BMW.
“Në celularin e tij janë gjetur edhe 2 fotografi të bëra në datë 17 shkurt 2023, ku në pamje janë ambienti i hyrjes së një pallati, që të krijon dyshimin se Arseni ka qenë duke vëzhguar lëvizjet e ndonjë personi”, theksohet në dosje. Nga hetimet dërgoi rezultoi se automjeti tip BMË ishte vjedhur në qytetin e Shkodrës, ndërsa targat ishin vjedhur në Elbasan. Prokuroria nuk e ka përcaktuar ende shënjestrën e atentatit, edhe për faktin se Erjon Alibej dhe kunati i tij, Spahiu janë në përplasje të forta me shumë personazhe të botës së krimit në Elbasan. Përplasjet e grupit Alibej me grupin kundërshtar Çopja, nisën pas ngjarjes te rrethrrotullimi i Bradasheshit, ku mbeti i vrarë Endrit Alibej dhe 2 persona të tjerë. Prej 2018 grupet janë ekzekutuar shumë personave, përshirë dhe Arjan Spahiun në Belgjikë.
