Policia e Shtetit njofton se po vijon faza e dytë e konkurrimit që i takon testimi fizik, për efektivë për Patrullë të Përgjithshme.
Autoritetet bëjnë me dije se 726 aplikantët që kaluan fazën e parë të konkurrimit u bënë pjesë e fazës së dytë të konkurrimit.
Prej 3 ditësh testimi fizik po zhvillohet në ambientet e Repartit Special “RENEA”, në Yzberisht.
Procesi po monitorohet nga Drejtoria e Standardeve Profesionale në Policinë e Shtetit, Drejtoria e Burimeve Njerëzore dhe SHÇBA në Ministrinë e Brendshme.
Ndërkohë pamjet e mëposhtme tregojnë momentet e stërvitjes së aplikantëve.
