Kanë dalë pamjet nga brendësia e tunelit të nëndheshëm që u gërmua nga disa persona të paidentifikuar, me qëllim grabitjen e një banke.
Opinion.al ka siguruar disa foto nga tuneli i nëndheshëm, gati 200 metra, që u gërmua poshtë bulevardit “Zogu i I”.
Policia bëri të ditur se tuneli i nëndheshëm do të përdorej me qëllim depërtimin në ambientet e brendshme të një banke të nivelit të dytë në kryeqytet.
Sipas uniformave blu, janë duke u kryer hetime të thelluara me qëllim identifikimin, kapjen e autorëve dhe vënien e tyre para përgjegjësisë.
Ndërsa deri më tani, mësohet se në tunelin e nëndheshëm janë gjetur edhe mjetet e punës me të cilat po punonin autorët, çka ka ndihmuar policinë, e cila ka mbledhur të gjitha provat dhe deklaron se është shumë afër identifikimit të tyre./Opinion.al
