Mediat italiane kanë publikuar pamjet kur trafikantët shqiptarë ndiqen nga policia italiane në det të hapur.
Dy shqiptarët po tentonin të transportonin me motora uji 2 tonë marihuanë me vlerë 2 milionë euro, kur u pikasën nga policia kufitare e Barit.
Gjatë ndjekjes në det, njëri prej trafikantëve hodhi drogën dhe mbërriti në breg duke përfituar edhe nga errësira.
Kërkimet për gjetjen e tij vazhdojnë ende. Ndërsa, shqiptari i dytë u ndalua nga autoritetet italiane.
Mediat lokale thonë se trafikantët ishin nisur nga Vlora në drejtim të Italisë me motora uji për të transportuar marihuanën.
