Talebanët hynë në kryeqytetin e Afganistanit në Kabul. Zyrtarët e ministrisë së Brendshme konfirmuan më herët se kryengritësit po futeshin nga të gjitha anët e qytetit.
Sakaq, për shkak të situatës së krijuar në Kabul, Shtetet e Bashkuara kanë nisur që të evakuojnë diplomatët nga ambasada e tyre me helikopter.
Zyrtarët amerikanë thanë se diplomatët po transportoheshin në aeroport për t’u larguar nga vendi. Po ashtu bëhet me dije se po dërgohen dhe ushtarë për të bërë të mundur evakuimin e sa më shumë qytetarëve dhe të shmanget ndonjë tragjedi.
Më herët kryengritësit pushtuan qytetin lindor të Jalalabad pa luftë. Tashmë talebanët kanë nën kontroll një pjesë të madhe të vendit dhe për pak ditë pritet që të kenë kontroll kudo.
