Kjo video tregon kërcënimin e drejtorit të IKMT-së, Fatmir Metaj ndaj deputetit demokrat Agron Shehaj të martën në bregdetin e Jalit.
Pamjet flasin qartë për një situatë të nderur mes të dyve, por edhe tensionin që ka shoqëruar momentin e shembjes së banesave dhe bizneseve.
Situata u tensionua më shumë, kur Shehaj u shpreh se oligarkët e kryeministrit e duan bregdetin për vete.
Pasi në Jalë ka ndërtime pa fund pa leje, por laku bie gjithmonë mbi shpinën e fukarenjve.
Në lidhje me ngjarjen në fjalë, foli të marten edhe kreu i opozitës Lulzim Basha.
Ai paralajmëroi padi ndaj kryeinspektorit të IKMT-së, Fatmir Metaj.
Sipas Bashës në vitin 1998, Meta ka shoqëruar vrasësit e Azem Hajdarit, duke qenë në krye të policisë së Tropojës.
“Fatmir Meta është ish-shefi i komisariatit të Tropojës në periudhën më të errët. Në makinën e tij udhëtoi më 12 Shtator 1998 banda që ekzekutoi heroin e demokracisë Azem Hajdarin. Po me atë makinë u kthyen drejt Tropojës. Këto janë bëmat e Fatmir Metës”.
/Opinion.al
