Policia ka vënë në pranga njërin prej autorëve të grabitjes së BKT në Vlorë. Eshtë dokumentuar me pamje filmike momenti kur njëri prej autorëve ka vjedhur makinën një ditë para grabitjes së bankës.
I arrestuari është Kostandinos Shakaj 37 vjeç personi që ka vjedhur makinën Mercedes Benz të cilën një ditë më pas e kanë përdorur në grabitjen e BKT në qendër të qytetit bregdetar. Në videon më poshtë gjeni tre momente: Vjedhja e automjetit, grabitja brenda në bankë dhe arrestimi i njëri prej autorëve.
Një tjeter person, me iniciale G.Gj. është shpallur në kërkim policor për këtë ngjarje. Rreth 6 milionë lekë dhe 33.695 euro është shuma që u grabitnën kërcënimin e armëve në Bankën Kombëtare Tregtare më 11 korrik.
Sakaq, vetëm një muaj më pas më 7 gusht u grabit filiali i BKT në zonën e Bllokut në Tiranë, ku autorët ende të paidentifikuar arritën të marrin mbi 20 milionë lekë. /Opinion.al
Disa banka të grabitura në pak kohë, më në fund policia gjen një grabitës
