Një sasi tejet e madhe droge është kapur mbrëmë në Babibë të Vlorës. Sipas Sali Berishës janë 10 ton, por policia dhe prokuroria ende nuk kanë dhënë informacion se sa është sasia e drogës së kapur.
Sakaq publikohen pamje nga News 24 të transportit të drogës nga fshati Babicë në komisariatin e Vlorës.
Shihet një kamion policie dhe një frugon që po transportojnë sasinë e madhe të kanabisit.
Dy makinat me drogë shoqëroheshin nga mjete dhe efektivë të Delta Force.
Transporti është bërë rreth orës 3 të mëngjesit dhe droga tashmë ndodhet në Drejtorinë Vendore të Policisë Vlorë.
