Portali italian “Pianetaitalia.it” ka publikuar sot dokumentet e marrëveshjes mes qeverisë italiane dhe asaj maqedonase për mbetjet e rrezikshme. Në marrëveshje thuhet se kontenierët me mijëra ton mbetje do të kalonin tranzit nga Shqipëria përmes portit të Durrësit.
Sipas marrëveshjes së nënshkruar nga komuna e Barit, kontenierët do kalonin tranzit në Shqipëri përmes portit të Durrësit, drejt Maqedonisë, ku dhe do të përpunoheshin.
Pra, sipas këtyre dokumenteve mbetjet kanë ndalë nga Bari, por nuk kanë mbërritur në impiantin e mbetjeve Drislla në Shkup.
Për rrjedhojë, ka dyshime të forta se 1300 kontenierë me mijëra tonelata mbetje që nuk figurojnë në asnjë dokument dalje nga Shqipëria, mund të jenë groposur në vendin tonë.
Drislla është impianti më i madh i përpunimit të mbetjeve të rrezikshme në Evropë, një investim i sipërmarrësit italian Ferazzoli me vlerë 73 milionë euro.
Informacioni i referohet portalit italian qe po bën këtë investigim. Theksojmë se deri tani nuk ka asnje reagim zyrtar nga qeveria italiane apo shqiptare.
Vetëm prokuroria shqiptare deklaroi dje se nuk ka asnjë hetim, pasi nuk ekziston kjo çështje. Nuk dihet ende sa të verteta janë lajmet që publikon ky portal, që shumëkush e ka quajtur anonim.
Me poshte linku i plote: http://www.pianetaitalianews.it/index.php/93-cronaca/210-i-contratti-nel-mirino-dei-giudici
