Detaje të reja kanë dalë nga vrasja e ndodhur në Shënavlash në Durrës, ku vajza 19-vjeçare vrau me armë zjarri të atin Pëllumb Meta.
Ky i fundi punonte roje në tregun e makinave, ndërsa vajza mësohet se ishte studente në shkollë të lartë.
Hetimet për gjetjen e 50-vjeçarit kanë nisur pas kallëzimit të djalit se babai ishte larguar nga shtëpia dhe nuk ishte kthyer.
Më pas policia nisi hetimet dhe mori në pyetje familjarët, deri kur vajza ka pranuar autorësinë e krimit. Ajo ka deklaruar se e ka vrarë të atin me armën e tij të shërbimit, e kishte lidhur, mbështjellë me plastmas dhe varrosur të kasollja e lopës.
Ka qenë 19-vjeçarja Hygerta Meta që ja tregoi policisë vendin se ku gjendej babai i vdekur.
Ajo ka deklaruar se ka kryer krimin e rëndë pasi nuk ishte dakord që i ati ta fejonte me një djalë nga fshati i saj, Shënavlash, por që ishte emigrant.
