Një libër i ri i fotografit të njohur indian Raghu Rai ofron një këndvështrim të ri në jetën e një prej figurave kryesore fetare në botë, Dalai Lamës.
Rai mori fotografinë e tij të parë të liderit shpirtëror tibetian në 1975. Ai tha se u ndalua nga siguria e Dalai Lamës.
“Unë kam arritur në një farë mënyrë te bëj kontakt sysh me Shenjtërinë e Tij. E pyeta nëse mund të bëja disa fotografi të tij. Ai buzëqeshi dhe tha po “, tha Rai për BBC.
Ai e ka fotografuar shpesh Dalai Lamën dhe ka kultivuar një “miqësi të thellë” me të.
Në mars të vitit 1959, kur trupat kineze mposhtën një kryengritje në Tibet, Dalai Lama i lindur në Tenzin Gyatso, iku në Indi. Ai ishte atëherë mes të 20-tave.
Atij iu ofrua azil nga qeveria indiane dhe u vendos në qytetin verior të Dharamsalës. Ai u ndoq në mërgim nga rreth 80,000 tibetianë, shumica e të cilëve u vendosën në të njëjtën zonë.
“Kur ai sheh tibetianët e tij, zoti im! Duhet Ti shikoni sytë e tij! Duket si një gjysh me nipërit e mbesat”.
Në vitin 2014, Rai vendosi të publikojë qindra foto që kishte marrë nga Dalai Lama dhe t’i përpilonte ato në një libër. Një projekt të cilin, kishte qenë duke e punuar për 40 vjet me rradhë.
Shumë nga fotot në koleksion kanë kapur Dalai Lamën në momente të sinqerta personale. Duke na dhënë kështu një pamje personale të jetës së tij të përditshme.
“Ai i pëlqen të luajë me kafshë , unë isha duke pritur për të një ditë kur ai papritmas u shfaq me një mace”, thotë Rai.
Rai gjithashtu kapi skena nga festimet e ditëlindjes së 80-të të Dalai Lamës. Festa u bë në vitin 2015 në shtëpinë e tij në Dharamsala.
Ai priti vëllezërit e motrat e tij, duke përfshirë edhe vëllain e tij më të madh, Gyalo Thondup. Ai ua prezantoi mysafirëve si një njeri që sillte gjithmonë probleme’.
Parathënia e librit, e shkruar nga Rai, u ofron lexuesve një tregim për ndërveprimet e tij me Dalai Lamën.
“Ai më la një përshtypje të pashlyeshme, i butë, i mëshirshëm, i përulur dhe plot çudi. Është e çuditshme të them një gjë të tillë, por kam marrë ndjenjën e çuditshme por të këndshme për të qenë i barabartë, pavarësisht nga pozicioni i tij. Kjo sepse Shenjtëria e Tij sillej me një dashamirësi të tillë dhe mungesë mendjemadhësie “.
Shumë imazhe në libër tregojnë se Dalai Lama kryen punë të përditshme të tilla. Të tilla si riparimi i TV apo kopshtarisë në shtëpinë e tij, detyrë që ai gjithmonë e bëri vetë, thotë Ray.
“Në shumë mënyra, ai më dha gjithçka që një fotograf ndonjëherë dëshiron nga një subjekt”, thotë fotografi.
Ndër vendet e preferuara të Dalai Lamës në shtëpinë e tij është kopshti, ku rriti të gjitha llojet e bimëve./Opinion.al
Burimi: BBC
