Aktori i njohur hollivudian Antonio Banderas është vlerësuar në performancën e filmit të tij “Pain and Glory” me çmimin “Hollywood Actor Award”.
Këtë trofe ia ka dorëzuar pikërisht aktorja Dakota Johnson, e cila është vajza e ish-bashkëshortes së tij Melanie Griffith. Por Johnson nuk është ndalur vetëm në dorëzimin e çmimit për ish-njerkun e saj, gjithashtu i ka dedikuar disa fjalë shumë prekëse në skenë.
“Ka pafund mundësi se si mund të shkojë një marrëdhënie familjare kur prindërit rimartohen. Unë pata shumë fat. Fitova një baba bonus, i cili me kalimin e kohës kuptova se ka qenë një nga influencat e mia më të mëdha në jetë. Kur unë isha 6 vjeçe, mamaja ime u martua me një njeri i cili solli dritë, një kulturë të re, dhe një motër të vogël magjike në familjen tonë. Ai më mësoi pasionin e vërtetë dhe disiplinën. Gjëja më e mirë është se ai përmirësohet me kalimin e viteve”,-ka thënë ajo.
Banderas dhe Griffith u martuan në vitin 1992 dhe pas rreth 20 vitesh martesë u ndanë në 2015-ën./Opinion.al/
