Kryetari i Bashkisë së Durrësit ka treguar më në fund nxitimin që kishte për ta përfunduar sa më shpejt Velierën edhe pse u gjetën gjurmë historike. Sot teksa përmbarimi i vuri shiritin e bllokimit, në zbatim të vendimit të gjykatës, Dako tha se ky është një vendim absurd.
“Ky është një vendim absurd i gjykatës dhe i shërbimit përmbarimor, pasi bllokimi i punimeve është bërë që në datën 4 shkurt nga Bashkia dhe Instituti i Arkeologjisë”, u shpreh ai.
“Kjo vepër po manipulohet nga ana e protestuesve për të bllokuar punimet që duhet të mbaronin përpara 18 qershorit”, vijoi Dako.
Pra kryebashkiaku socialist kishte në plan të inauguronte kontruksionin prej hekuri të pagëzuar si “Veliera” përpara zgjedhjeve të përgjithshme.
Ndërtimi i saj ka hasur në kritika të ashpra pasi mendoset po preken muren antike mesjetarë. Kjo ka bërë që projekti i Dakos me vlerë 6 milionë euro të mbetet pezull derisa arkeologët të faktojnë se çfarë gjendet saktësisht në sheshin e punimeve. /Opinion.al
*Foto: Përmbarimi i vendos shiritin e bllokimit punimeve
