Kryetari i Bashkisë së Durrësit, Vangjush Dako pranoi mbrëmë në Opinion se ka marrë përgjigje negative nga ambasada për të vizituar SHBA-të. Ai tha se “nuk di pse ma refuzuan vizën. Dhe po të shkoj prapë nuk di nëse do ma japin”. Ndërsa në sqarimin që jep duket se ambasada ka patur dyshime për të dhënat e kryebashkiakut. Vetë ai thotë se kur na pyeti punonjësja e ambasadës sa shtëpi keni, u pamë sy më sy më gruan dhe thamë kemi dy.
Dako: “Shkova me nusen dhe vajzën në ambasadë. Ajo atje përtej sportelit pasi bëri procedurat, na mori dhe shenjat e gishtave dhe na pyeti: Sa shtëpi keni? U pamë sy më sy me gruan dhe thamë 2. Na pyeti sa makina keni, i thashë 3. Kthehuni mbrapsht tha do merrni përgjigje. Më erdhi me postë përgjigja “refuzim i përkohshëm” sipas nenit 233 g. Pra refuzim i pjeshshëm për 6 muaj për arsye se skeni qenë korrekt me dokuemntet. Nuk e kam provuar prapë të shkoj për vizë se do dalin këta (PD) iu refuzu viza iu refuzu viza. Nuk është i prerë, s’më kanë gris pasaportën… Kjo është e verteta!”
Po kështu nga PD-ja Dako është akuzuar se ka aksione tek “Bastarena”, por mbrëmjen e djeshme në “Opinion” ai e mohoi.
Pyetje: A jeni aksioner tek Bastarena?
Dako: “Kam bë nja 10 padi për shpifje. Nuk jam tek Bastarena. Nuk jam pra tani jo. Merr shiko QKR-në. Por edhe më akuzuan, ato u mbyllën të gjitha me bastarena e me basfrena”.
/Opinion.al
