Këngëtarja e njohur, Dafina Zeqiri ka festuar dje pasi nëna e saj festonte ditëlindjen. Ajo ka postuar disa imazhe në Instagram, nga surpriza që i ka bërë nënës, të cilën e uron për ditëlindje.
Këngëtarja ndodhet në ishujt Maldive me të ëmën dhe i premton asaj se do ta çojë çdo vit në vende të tilla ekzotike:
“Lumturia jote është lumturia ime. Ju premtoj që çdo vit do t’ju çoj në parajsë”.
Nëna e këngëtares ka qenë mbështetësja e saj më e madhe madje ka zëvendësuar edhe babain e saj.
Dafina Zeqiri dhe motra e saj Besa nuk flasin me babain e tyre dhe nuk ruajnë kontakte me të pasi ai i ka braktisur kur kanë qenë të vogla. Ai i kontaktoi ato për t’u kërkuar falje pas 21 vjetësh, por vajzat nuk e falën.
