Rajoni

Daçiç: Serbia nuk ka ndaluar me fushatën e çnjohjeve, Kosova të ndalet


Bëhu pjesë e Grupit Zyrtar të Opinion.al
>> KËTU <<
               Publikuar në : 18:19 - 04/06/20 |
Al Do

Ministri i Jashtëm i Serbisë, Ivica Daçiç, tha se vendi i tij nuk e ka ndalur fushatën e tërheqjeve të njohjeve të pavarësisë së Kosovës.

Në një deklaratë për agjencinë serbe të lajmeve Tanjug, Daçiç tha se Serbia nuk do ta ndalojë këtë fushatë “nëse të tjerët nuk e ndalojnë fushatën e njohjes së Kosovës”.

Ministri serb mohoi që Serbia të ketë pranuar të pezullojë fushatën e çnjohjeve. Sipas burimeve diplomatike në Bruksel të Radio Evropa e Lirë, Beogradi ka pezulluar këtë fushatë “për t’i kontribuar atmosferës për rinisjen e dialogut për normalizim marrëdhëniesh” me Prishtinën.

Për këto deklarata, Daçiç, tha se ka biseduar edhe me presidentin e Serbisë, Aleksandar Vuçiç.

Ai tha se ato janë një “gënjeshtër e madhe”.

“Serbia prej disa vitesh, e thotë publikisht se do të ndalojë fushatën e çnjohjeve të Kosovës vetëm nëse të tjerët pranojnë të ndalojnë fushatën e njohjeve të Kosovës dhe të anëtarësimit të saj në organizatat ndërkombëtare. Meqenëse kjo nuk ka ndodhur, Serbia nuk ka ndaluar me fushatën e çnjohjeve. Kur ata të ndalojnë, do të ndalojmë edhe ne”, tha Daçiç. /Opinion.al

Pas