Këtë të enjte tre kandidatë të tjerë nga lista pritëse e Partisë Demokratike kanë dorëzuar formularin e dekriminalizimit në KQZ për të marrë mandatin.
Ata janë Krenar Rryçi që merr mandatin për qarkun e Durrësit, Kostaq Papa dhe Ares Ypi të dy në Tiranë.
Krenar Rryci pasi kishte firmosur dorëheqjen tha se kishte ndryshuar mëndje dhe donte të bëhej deputet. Edhe pse kandidat i listës së PD-së Krenar Rryci është edhe kryetar i Partisë Reforma Demokratike. (LEXO KÊTU)
Ares Ypi, në faqen e tij në facebook shkruan se punon tek Korporata Elektroenergjitike Shqiptare. E madje vetë njofton se një ditë më parë se kishte refuzuar të pranonte mandatin. Siç duket këto 24 orë ka ndryshuar qëndrim.
Ndërkohë për Kostaq Papën nuk ka asnjë informacion e as një CV në qarkullim.
Presidenti Ilir Meta nuk e konsideron të pranueshëm zëvendësimin e deputetëve të tërhequr me emrat e kandidatëve në listat e Partisë Demokratike dhe Lëvizjes Socialiste për Integrim. “Në vlerësimin dhe në bindjen time institucionale Kuvendi i Shqipërisë ka 82 deputetë të ligjshëm, përfshirë edhe 3 deputetët e opozitës, të cilët nuk pranuan të djegin mandatet sipas vendimit politik të partive përkatëse. Çdo numër tjetër përtej këtij, jo vetëm që thellon këtë krizë, por sigurisht që nuk ndihmon as kapërcimin e kësaj situate, pasi çdo numër tjetër është i kontestueshëm në të gjitha planet. Si në planin kushtetues, në planin ligjor, në atë procedurial dhe politik, në planin moral”, ka thënë ai./ Opinion.al
