Gjatë një aksioni në qytetin e Vlorës, Policia ka asgjësuar 143 rrënjë kanabis, në vijim të kontrollit të territorit kundër kultivimit të bimëve narkotike.
Gjatë kontrollit të ushtruar në zonën e Novoselës, shërbimet kanë konstatuar 95 bimë narkotike të llojit kanabis, të mbjella në vendin e quajtur “Vërri e Poros”, fshati Poro (pronë publike).
Ndërsa në deklaratën e dytë ku thuhet se janë gjetur 48 bimë kanabis në fshatin Mërtiraj, Policia është shprehur se ato kanë mbirë vetë.
Gjatë kontrollit të ushtruar në fshatin Mërtiraj, pranë vendit të quajtur “Përroi i Kaminave”, u gjet një parcelë me 48 bimë narkotike të llojit kanabis, të cilat dyshohet se kanë mbirë vetë përgjatë shtratit të përroit.
Policia bëri asgjësimin e tyre me shkulje dhe djegie. Vazhdojnë hetimet për zbulimin dhe kapjen e autorëve.
