Ka qenë fillimi i vitit të ri shkollor, ai që ka rikthyer edhe njëherë në vëmendje të opinionit publik, koordinatoren e Marrëdhënieve me Publikun të Partisë Demokratike, Grida Dumën. Pas humbjes së zgjedhjeve në Bashkinë e Durrësit, Grida ka zgjedhur të mos shfaqej në publik, por dita e parë e shkollës për djalin e saj, Darien e ka kthyer politikanen simpatike me një foto në rrjetet sociale. Ja çfarë shkruan ajo në rrjetin e social Facebook:
“Sot im bir ishte pak i mërzitur sepse iu desh të zgjohet më herët per të shkuar në shkollë. I thashë: mos u mërzit kurrë për atë që do të rregullojë të gjithë jetën tënde. Asgjë nuk e zëvendëson dot shkollën; edhe nëse kushtet nuk janë gjithmonë ato që duhet të kishim krijuar për fëmijët tanë, ajo mbetet e pazëvendësueshme. Pavarësisht gjithçkaje, Shqipëria ka dhe do të ketë mësues që edukojnë mendimin.
“Mendja”, shkruan Plutarku, “nuk është një enë që duhet mbushur, është një zjarr që duhet ndezur”. Im bir e ndan sot këtë të vërtetë me veten, me fëmijët e tjerë, me mësuesit e tij. Me gjithë zemër – një vit të mbarë shkollor!”
