Pak momente më parë kryeministri Edi Rama deklaroi përmes një postimi në “Twitter” se në postin e ministrit të Brendshëm do të vendosej Bledi Çuçin, ndërsa Milva Ikonomin në postin e ministres së Bujqësisë.
Lidhur më këto ndryshime në qeveria ka folur në “News24”, nënkryetari i LSI, Petrit Vasili. Ai është shprehur se Çuçi dhe Ikonomi s’kanë asnjë lidhje me PS, duke i cilësuar si “çelësa kopil që hapin çdo derë”.
“Marioneta që zëvendësojnë njëri tjetrin. Vetëm konfirmim tjetër se të dyja ndryshimet për ata që janë militantë të PS, emra që s’kanë asnjë lidhje me PS vijojnë në marrjen e copave të pushtetit. Ndryshimi i ka bërë boll të qeshin, nga ministria e bujqësisë tek ministria e brendshme. Si çelësa kopil që hapin çdo derë.”- tha Vasili./ Opinion.al
