Ministri i Brendshëm Bledi Çuçi ka paralajërmuar të gjithë ata persona që shkaktojnë zjarre duke ju kujtuar se do të përballen me ligjin.
“Do të përballen me ligjin të gjithë ata që për një arsye apo një tjetër do të shkaktojnë zjarre, duke rrezikuar jetën e njerëzve dhe pasurinë e tyre. Me zjarrin nuk luhet e as bëhet shaka, prandaj apeloj për t’u treguar të kujdesshëm në çdo moment”, shkruan Çuçi permes Facebook.
Kujtojmë se situata me zjarret paraqitet problematike në disa zona të vendit. Pas shuarjes së flakëve në Dukat dhe Gjirin e Gramës duket se tashmë një vatër e re dhe serioze është krijuar në veri të vendit, në fshatin Thirrë si dhe në majën e Rrunës në Kukës./Opinion.al
