Sot në Gjykatën e Tiranës pritej të zhvillohej seanca për kërkesën e grupit të PD të përfaqësuar nga Gazment Bardhi për çregjistrimin e emrit të Lulzim Bashës si kryetar i kësaj force politike.
“Këshilli Kombëtar i PD i datës 27 korrik 2023 ka vendosur të kërkojë çregjistrimin e ish-kryetarit të PD Lulzim Basha nga regjistri i partive politike. Grupimi i përfaqësuar nga ky i fundit ka bërë kërkesë që të bëhet pjesë si palë në proces”, thuhet në kërkesën drejtuar Gjykatës.
Mësohet se seanca është shtyrë për në datën 30 prill, pasi gjatë kësaj kohe Gjykata e Tiranës do të administrojë edhe vendimin e GJL që ktheu për rigjykim në “Apel” çështjen e Partisë Demokratike.
Në të njëjtën seancë do të shprehet edhe për legjitimimin ose jo të grupit të Bashës si palë në proces.
