Shkarkimi i 4 administratorëve të LSI nga kryebashkiaku Erion Veliaj duket se ka “prishur” paqen e brishtë që ekzistonte mes Veliajt dhe partisë, votat e së cilës kanë qenë 2 herët e fundit vendimtare për zgjedhjen e kryetarit të Tiranës.
Shkak mendohet të jetë vota kundër që anëtarët e këshillit bashkiak të LSI dhanë për projektet e reja të Bashkisë. Gjë që në fakt nuk e ka penguar Erion Velinë për të vijuar punën pasi dy anëtarë të tjerë veç atyre të PS, nje nga LSI dhe një nga PD kanë votuar pro projekteve.
Kjo nuk është hera e parë që LSI dhe Erion Veliaj përplasen në këshillin bashkiak. Herën e fundit në korrik ata u konfliktuar për çmimin e ujit dhe vendimin që do merrte këshilli bashkiak. Por që nga atëherë marrëdhëniet u stabilizuan dhe disa herë u pa qartë në sulmet e saj nga qeverisë, LSI e kursente Erion Velinë.
Kjo ndoshta dhe për një marrëdhënie të veçantë që kreu i bashkisë ka me presidentin Meta. Nuk dihet nëse LSI do ta ketë kryetarin e bashkisë në qendër të akuzave të saj apo ujrat do të qetësohen duke rikthyer marrëdhëniet e mira mes tyre. Marrdhënie në fakt që deri diku ndoshta ka “xhelozuar” dhe kryeministrin Rama për shkak se në shume raste Veliaj është konsideruar dhe si pasardhësi i tij në PS.
/Opinion.al
