Jo më larg se një muaj më parë ai mbushi plot 30 vjeç, ka realizuar një këngë verore që i ka kaluar 4 milion klikime (Holla), ka më shumë se 80 mijë ndjekës në Instagram dhe tashmë suksesin e ka të garantuar. Bëhet fjalë për reperin Cozman i cili për herë të parë ka folur për një media shqiptare për karrierën e tij dhe aspak për jetën private. Në një intervistë për gazetën Paloma, Cozy ka theksuar me qindra herë se hiti “Fenix”, është një nga këngët shqiptare më të suksesshme, që vazhdon të dëgjohet edhe sot kur kanë kaluar dy vjet nga koha kur kjo këngë u publikua. Nga ana tjetër Cozman nuk prononcohet aspak për lidhjen me Tunën duke thënë se, “jeta private për të është shumë e shenjtë dhe se nuk do të bëhet kurrë publike”. Prej kohësh po qarkullon në media lajmi se cifti Cozman-Tuna nuk janë më bashkë, por kjo mbetet për tu zbuluar pasi asnjë nga protagonistët nuk prononcohet për këtë fakt, ndërsa në Instagram kanë kohë që nuk publikojnë më asnjë foto sëbashku. Fotot e fundit bashkë i kanë postuar një javë më parë para koncertit në një nga diskotekat e Prishtinës…
