Rajoni

Covid19/ Pas takimit me ekspertët kinezë, Vuçiç: Do kryejmë testime masive


               Publikuar në : 13:37 - 24/03/20 |
Opi Nion

Pas takimit me epidemiologë kinezë, presidenti i Serbisë Aleksandër Vuçiç, ka njoftuar se do të kryen testime në masë për koronavirusin.

AI ka shtuar se kjo do të ndihmojë për të identifikuar të infektuar të cilët më pas do të izolohen. Vuçiç është shprehur se vetëm mbyllja në shtëpi nuk do të funksionojë për parandalimin e përhapjes së koronavirusit.

Vuçiç tha se shpresonte që strategjia e re do të jetë në gjendje të përmbajë koronavirusin në vend brenda një muaji. Serbia aktualisht ka 249 raste, dhe tre vdekje të konfirmuara nga koronavirus, megjithëse deri tani testimi ka qenë minimal.

“Ne jemi të gatshëm të vendosim 3000 shtretër menjëherë, këta janë për pacientët e prekur më lehtë, të cilët do të futen shpejt dhe do të dalin shpejt, por ne do ta shohim sëmundjen e tyre deri në fund, në mënyrë që ata të mos infektojnë askënd tjetër”, tha Vuçiç. Rastet më të rënda do të vendosen në spitale. Kina i ka siguruar Serbisë dërgesa me maska dhe pajisje të tjera mjekësore.

Kur ekipi mjekësor kinez mbërriti në Beograd të shtunën, Vuçiç i priti dhe puthi flamurin kinez në mirënjohje. “Megjithëse Kina nuk e ka përfunduar ende luftën kundër koronavirus, ata thanë se dhe ata do ta ndihmojnë Serbinë. Populli serb nuk do ta harrojë kurrë këtë mirësi”, tha Vuçiç./ Opinion.al

Pas