Ministri i Shëndetësisë në Serbi, Zllatibor Llonçar, deklaroi se dozat e para të vaksinës së kompanisë Pfizer kundër koronavirusit, do të arrijnë në Serbi të hënën ose të martën (21 ose 22 dhjetor).
Dërgesa e parë do të jetë prej më pak se 5,000 doza. Po ashtu, ai shtoi se vaksinat do të shpërndahen në shtëpitë e pleqve.
Sipas tij, Serbia është ndër vendet e para që do të marrë vaksinën sepse ishte një nga pesë shtetet e para në botë që nënshkroi një kontratë me Pfizer.
Më herët, Presidenti i Serbisë, Aleksandar Vuçiç, deklaroi se Serbia kishte porositur 340,000 doza të vaksinës nga kompanitë Pfizer dhe BioNTech ndërkohë që vaksina ruse Sputnik V po testohet./Opinion.al
