Ministria e Shëndetësisë ka njoftuar se në 24 orët e fundit kanë humbur jetën 5 persona ndërsa janë konfirmuar 833 raste të reja nga 3511 testime të kryera.
Kjo shifër shënon një rritje krahasuar me një ditë më parë, ku u regjistruan 786 raste të reja.
Mes viktimave për fat të keq, është edhe një person i moshës 26 vjeç.
“Në 24 orët e fundit janë shëruar 506 qytetarë, duke e çuar numrin e të shëruarve 43,890 që nga fillimi i epidemisë.
Aktualisht në 4 spitalet COVID, po trajtohen 286 pacientë, 18 në terapi intensive nga të cilët 3 pacientë janë të intubuar.
Me gjithë përpjekjet e stafit mjekësor, 5 qytetarë e kanë humbur betejën me COVID19 në spitalet COVID. 2 qytetarë nga Tirana, 1 qytetar nga Korça, 1 qytetare nga Mati, 1 qytetar nga Kruja, të moshave 26- 70 vjeç”, njoftoi Ministria e Shëndetësisë, pa dhënë më shumë detaje. Nuk dihet nëse personi i kësaj moshe vuante nga sëmundje të tjera të mëparshme./Opinion.al
