Maqedonia e Veriut ka regjistruar ditën e sotme 115 raste të reja me koronavirus, duke shënuar një ulje të lehtë krahasur me një ditë më parë ku u regjistruan 118 infeksione. Numri më i madh të infektuarve me Covid-19 është regjistruar në Shkup dhe Gostivar.
Ministria e Shëndetësisë njoftoi gjithashtu për tre viktima të tjera.
Në 24 orët e fundit, numri i të shëruarve ka qenë thuajse sa dyfishi i rasteve të reja, pasi 225 persona fituan betejën me COVID-19.
Që nga nisja e pandemisë në Republikën e Maqedonisë së Veriut janë regjistruar 12.095 persona pozitivë, 531 prej të cilëve kanë humbur jetën./Opinion.al
