Mbetet i lartë numri i viktimave dhe i rasteve të reja me COVID-19 në Greqi.
Autoritetet shëndetësore në shtetin fqinj bëjnë me dije se gjatë 24 orëve të fundit kanë humbur jetën 29 qytetarë.
Po gjatë këtij harku kohor, janë konfirmuar dhe 1837 raste të reja me COVID.
Numri i pacientëve që po trajtohen në intubim është 332 ndërsa mosha mesatare e tyre është 65-vjeç. Mes personave të intubuar 296 prej tyre janë të pavaksinuar. Aktualisht në spitale janë shtruar 153 pacientë të rinj.
