82 persona kanë humbur jetën nga COVID-19 gjatë 24 orëve të fundit në Greqi. Po ashtu, autoritetet shëndetësore bëjnë me dije se gjatë këtij harku kohor janë shënuar dhe 5870 raste me COVID-19.
Në shtetin fqinj, aktualisht në intubim janë 641 pacientë që vijojnë luftën me koronavirusin. Rekordi i rasteve me COVID në Greqi është shënuar në datë 9 nëntor të këtij viti, 8613 të infektuar brenda 24 orëve.
Numri më i madh i vdekjeve nga virusi në një periudhë 24-orëshe është shënuar më 28 nëntor 2020, ku humbën jetën 121 pacientë. Greqia ka shtrënguar masat për të pavaksinuarit, por rastet janë ende të larta./ Opinion.al
