Situata e koronavirusit në Shqipëri është përkeqësuar ndjeshëm në javët e fundit. Kurba e rasteve të reja të personave të infektuar, por edhe e viktimave ka shënuar rritje prej mesit të tetorit.
Aktualisht në vendin tonë sipas Ministrisë së Shëndetësisë, regjistrohen 11,146 raste aktive. Qarku me numrin më të lartë të të infektuarve është Tirana me 5492 raste pozitive e ndjekur nga Durrësi me 963 raste, Fieri me 905 raste dhe më pas vjen Korça me 713 raste, Shkodra me 634 raste dhe Elbasani me 526 raste.
Rritja e numrit të infektuarve në Shqipëri vjen në një kohë kur Europa është duke kaluar valën e dytë të pandemisë COVID-19 dhe shumë shtete kanë forcuar masat kufizuese.
Ndërkohë, Ministria e Shëndetësisë, raportoi më herët se në 24 orët e fundit janë regjistruar 495 raste të reja, ndërsa bën me dije se 8 persona kanë humbur jetën.
COVID-19 – Statistika (7 Nëntor 2020)
Raste të reja ditore 495
Të shëruar ne 24 orë 141
Të shtruar në spitale 352
Humbje jete në 24 orë 8
Testime ditore 1927
Testime totale 137,172
Raste pozitive 23,705
Raste të shëruara 12,002
Raste Aktive 11,146
Humbje jete 557
Shpërndarja gjeografike e rasteve aktive sipas qarqeve:
Tiranë 5492
Durrës 963
Fier 905
Korçë 713
Shkodër 634
Elbasan 526
Lezhë 524
Vlorë 474
Berat 317
Kukës 266
Gjirokastër 221
Dibër 111
