Kryeministri i Greqisë, Kyriakos Mitsotakis, ka deklaruar pasditen e sotme se vaksina anti-Covid e Pfizer do të miratohet nga Bashkimi Evropian më 30 dhjetor.
Sipas Mitsotakis, 48 orë nga miratimi nga BE vaksina do të mbërrijë në Greqi dhe të parët që do të vaksinohen do të jetë ai dhe familja e tij. Më pas do të vaksinohet Presidentja e Greqisë, Katerina Sakelaropulu.
Më tej, Mitsotakis ka thënë se shkollat do të rihapen në 7 janar, pasi sipas tij, deri atëherë do të jetë stabilizuar situata në sistemin shëndetësor.
“Vaksina e Pfizer miratohet nga BE në 30 Dhjetor, pas 48 orësh arrin në Greqi. Të parët do vaksinohemi familja ime, unë dhe presidente e Greqisë, Katerina Sakelaropulu. Hezituesit duhet të dinë se vaksinat shpëtojnë jetë dhe janë e vetmja armë e sigurt për të fituar imunitetin ndaj covid-19. Nuk parashikohet rifunksionim i sferës së argëtimit, sidomos të natës, deri në vaksinimin e përqindjes më të lartë të popullsisë mund të arrijë deri në Pashkë. Shkollat do të rihapen në 7 janar, deri atëherë do të jetë stabilizuar situata në sistemin shëndetësor. Këtë vitKrishtlindje do të kalojmë me deri në 9 veta në çdo shtëpi, do të zbatohet lockdoën i rreptë”, është shprehur kryeministri Mitsotakis./ Opinion.al
