Aktualitet

Covid i merr jetën kryetarit të Dhomës së Avokatëve në Berat


Bëhu pjesë e Grupit Zyrtar të Opinion.al
>> KËTU <<
               Publikuar në : 12:50 - 09/11/20 |
Opi Nion

Kryetari i Dhomës së Avokatëve të Beratit, Agron Mahmutaj, ka ndërruar jetë, pas disa javësh në intubim pas infektimit me COVID-19.

51-vjeçari Mahmutaj u prek nga koronavirusi disa javë më parë. Ai u shtrua fillimisht në Repartin e Karantinës në Spitalin Rajonal të Beratit, ku u mbajt disa ditë në oksigjenim.

Por, pas përkeqësimit të gjendjes shëndetësore Agron Mahmutaj u dërgua në Tiranë, ku qëndroi për dy javë i intubuar në spitalin “Shefqet Ndroqi”.

Ditët e fundit avokati 51-vjeçar pësoi një agravim të menjëhershëm të gjendjes shëndetësore  dhe si pasojë ndërroi jetë ditën e djeshme.

Mësohet se avokati Mahmutaj kishte edhe sëmundje bashkëshoqëruese, ai vuante nga diabeti dhe vite më parë kishte hequr edhe njërën veshkë.

Agron Mahmutaj ka qenë pjesë e strukturave drejtuese të PD-së Berat pas viteve ’90. Për vite me radhë deri në vitin 2014 ai ka qenë Drejtor i Burgut të Beratit dhe pas largimit nga kjo detyrë ju përkushtua profesionit të avokatit duke u zgjedhur në vitin 2017 Kryetar i Dhomës së Avokatëve të Beratit./ Opinion.al

Pas