Kriza e koronavirusit mbylli shumicën e aktiviteteve në botë, madje në SHBA u pezullua edhe ekzekutimi i dënimeve me vdekje.
Por pas 5 muajsh pezullim, në Teksas kanë vendosur që rinisin kryerjen e ekzekutimeve.
Një 45-vjeçar do të ekzekutohet sot me injeksion vdekjeprurës. Ai është dënuar pasi në moshën 18-vjeçare ka vrarë një 82-vjeçar pas një grabitjeje me armë në qershor të vitit 1993, në shtëpinë e viktimës.
Dënimi ishte parashikuar të jepej në Prill por u shty për në 8 Korrik. Avokatët e të dënuarit kanë kërkuar në Gjykatën e Lartë pezullimin e dënimit me vdekje, pasi pretendojnë se kërkimet shkencore kanë treguar se truri i 18-vjeçarëve nuk është plotësisht i zhvilluar.
Ata e konsiderojnë grabitjen e armatosur si një “krim të pamenduar dhe naiv”, pasi qëllimi ishte që të vidhte kamionçinën e të moshuarit në mënyrë që të arratisej me të dashurën e tij.
Por, prokurorët i thanë Gjykatës së Lartë se 45-vjeçari e vrau me gjakftohtësi të moshuarin, kur mund ta vidhte fare lehtë kamionçinën, duke qenë se çelësat ishin në mjet.
Përpara Teksasit, ekzekutimet kishin rinisur vetëm në shtetin e Mineapolisit në Maj ku u krye vetëm një i tillë, i vetmi në SHBA që prej muajt Shkurt. /Opinion.al
