Greqia ka konfirmuar sot 721 raste të reja me koronavirus, nga të cilat 8 janë identifikuar pas kontrolleve në hyrje të vendit. Autoritetet shëndetësore në vend kanë njoftuar se në 24 orë, kanë humbur jetën 49 qytetarë si pasojë e virusit.
Nga rastet pozitive me COVID-19, 78 u konfirmuan në qendër të Athinës dhe 94 raste në Selanik. Numri i përgjithshëm i rasteve që nga fillimi i pandemisë e deri më tani është 143,494, nga të cilat 52.2% janë burra.
Ndërkaq, ditën e sotme janë konfirmuar edhe 4 raste të reja të mutacionit të koronavirusit që ndodhi në Britani.
Njëri prej tyre është një grua e kthyer nga Dubai, kurse tre rastet e tjerët kanë të bëjnë me udhëtarët që u kthyen nga Britania. Në total, rastet e llojit mutant që janë identifikuar në Greqi arrijnë në tetë./ Opinion.al
