Kreu i Urgjencës Kombëtare Skënder Brataj tha se situata Covid në Shqipëri gjatë javës së fundit ka shënuar stabilitet, ndërsa është vërejtur një ulje e vogël në numrin e të shtruarve.
“Ka një stabilitet të situatës. Ka një ulje shumë të vogël të numrit të të shtruarve, por që për ne është një sinjal shumë i madh. Në javën e fundit janë 58 shtrime, ndërkohë që më herët ishin 80- 85”, tha Brataj.
Gjatë një interviste në News 24, mjeku tha se në mbledhjen e ardhshme të Komitetit të Ekspertëve do të vlerësohet dhe çështja e masave.
“Ne jemi në nivel të masave të lehta dhe të mesme. Ende nuk kemi një vendim, do ta diskutojmë në mbledhjen e ardhshme”, tha Brataj./Opinion.al
