Zv.kryeministri i Shqipërisë, Erion Braçe përmes një postimi në rrjetet sociale ka kritikuar qytetarët, të cilët gjatë festave të fundvitit kanë anashkaluar masat anti-COVID.
Sipas tij, pandemia nuk ka mbaruar dhe të gjithë jemi të rrezikuar njësoj siç ishim më parë nga virusi i rrezikshëm.
“Asgjë nuk ka mbaruar, jemi të rrezikuar po aq sa më parë nga #CORONAVIRUS, egoizmi idiot dhe tolerance kriminale për çik festa jashtë shtëpie, çik Korçë, çik borë. Do të na godasë sërish! Rreziku është po me ne, me gjyshërit prindërit e fëmijët! Nuk iku me vitin 2020! Boll u sollëm sikur nuk ka ndodhur asgjë! 1199 nder ta, nder ne qe u shuan prej koronavirusit, janë dëshmia me e forte se asgjë nuk ka mbaruar e se jemi ne problemi! Egoizmi ynë deri në papërgjegjshmëri ekstreme. Ajo që kemi bërë në ndërrim të viteve e në ditët e para të vitit të ri, shpërfill poshtërsisht sakrificat e çdo shqiptari që dëgjon e respekton rregullat, bindet e sillet me përgjegjshmëri, sakrificat e çdo mjeku, infermieri, laboranti e farmacisti qe çdo dite e kalon prej 10 muajsh me te infektuar e mes infeksionit duke rrezikuar jetën e tij e te familjes;
Sakrificën e te gjithëve, kujtdo qe po sakrifikon ekonominë e tij, paratë e tij ne një situate ku hapja vlen për punën, asfare për qefin! Britania u mbyll dje plotësisht, për here të trete; Gjermania qëndron e mbyllur; Italia ishte e mbyllur plotësisht dhe mezi po merr fryme duke kombinuar masa me ngjyra etj etj!Ne qëndruam hapur thuajse-mbeti jashtë veç jeta e natës, veç festat e natës! Por e gjitha shfrytëzohet keq, për qef për shume, për para për shume te tjerë! Ndërkohë qe kishte e ka një prioritet; Hapur për pune e punën, shkollat!
Mbyllur për festat por sfiduar keq nga paligjshmëria e papërgjegjshmëria e një pakice qe i ka dhënë statusin vetes te bej si i teket dhe tekat ti kthej ne qef; Një pjese edhe prej administratës publike, e cila duhet te ishte shembulli ne respektin ndaj rregullave e ligjit; Dua shume qe sot te mos jene lëshuar neper zyra siç virusi neper festat e tyre private! Vështirësia e tre jave qe sapo nisen vjen prej tyre! Sua kishte kërkosh borxh pasojën e mërzisë nga jeta pa festa një VIT TE RI; EGOIZEM NEVERITES!”, shkruan Braçe.
Sakaq, në postimin e Braçes ka komentuar ish-deputetja e PD-së, Jorida Tabaku, e cila i vë në dukje mosrespektimin e masave nga vetë kryeministri, Edi Rama.
Tabaku ka nënvizuar se vetë kryeministri Rama mbledh nga 20 veta për kafe e raki, ndërsa paraditen e sotme kishte rreshtuar ambulancat dhe po bënte foto me 30 punonjës të shërbimit mjekësor.
“Ke të drejte por kur nuk ti respekton Kryeministri masat se do një çike raki ne kafe me 20 vete imagjino të tjerët! Tani kalova në shesh kishte rreshtuar ambulanca dhe mbi 30 punonjës shërbimi mjekësor e po bënte foto po Kryeministri! Tamam egoizëm neveritës!”, shkruan Tabaku./Opinion.al
