Drejtoresha e departamentit të Sëmundjeve Infektive në ISHP, Silva Bino gjatë bashkëbisedimit online me komitetin e ekspertëve të Shqipërisë e Turqisë tha se kemi një tendencë në ulje të rasteve të reja.
Gjithashtu, Bino theksoi se specialistët e shëndetit publik në Shqipëri kanë ndarë me kolegët turk eksperiencën e gjurmimit të kontakteve nëpërmjet aplikacioneve me telefon.
“Ne vijojmë monitorojmë situatën dhe kemi tendencë në ulje jo vetëm të rasteve por edhe të pozitivitetit. Kohët e fundit kemi katërfishuar testimet. Pra diçka që këtë kohë e kemi superuar.
Futja e testit të shpejtë lehtëson jo vetëm kohën e marrjes së diagnozës por përshpejton dhe identifikimin. Me kolegët turk kemi ndarë eksperiencën e gjurmimit të kontakte e nëpërmjet aplikacioneve me telefon.
Ne do të vazhdojmë të bashkëpunojmë me kolegët turk në lidhje me masat e përgjithshme të shëndetit publik”, tha Bino./ Opinion.al
