24 orët e fundit kanë shënuar një rënie të ndjeshme të numrit të infektimeve nga Covid, e po kështu edhe të viktimave në vend. Sipas Ministrisë së Shëndetësisë në 1,535 testime, kanë rezultuar pozitive 53 raste, ndërsa ka humbur jetën 1 qytetar.
“Situata e COVID19 në 24 orët e fundit tregon se janë kryer 1,535 testime, nga të cilat kanë rezultuar pozitivë 53 qytetarë.
Rastet pozitive të konfirmuara janë identifikuar në këto bashki: 13 raste në Tiranë, 6 raste në Fier, 5 raste në Durrës, Devoll, 3 raste në Shkodër, Mallakastër, 2 raste në Korçë, Elbasan, Pukë, Librazhd, Sarandë, Skrapar, 1 rast në Vlorë, Rrogozhinë, Gjirokastër, Dibër, Gramsh, Libohovë.
Në 24 orët e fundit janë shëruar 748 qytetarë, duke e çuar numrin e të shëruarve në 110,920 që nga fillimi i epidemisë. Aktualisht në spitalet COVID po trajtohen 124 pacientë, 12 në terapi intensive, nga të cilët 4 pacientë janë të intubuar. Me gjithë përpjekjet e stafit mjekësor, një qytetar 77 vjeçar nga Korça e ka humbur betejën me COVID19”, njoftoi Ministria.
Statistika (02 Maj 2021)
Raste të reja ditore 53
Të shëruar në 24 orë 748
Të shtruar në spitale 124
Humbje jete në 24 orë 1
Testime ditore 1,535
Testime totale 640,206
Raste pozitive 131,238
Raste të shëruara 110,920
Raste Aktive 17,921
Humbje jete 2,397
Shpërndarja gjeografike e rasteve aktive sipas qarqeve:
Tiranë 14834
Fier 959
Durrës 272
Shkodër 472
Korçë 335
Gjirokastër 261
Vlorë 259
Elbasan 137
Kukës 115
Dibër 102
Berat 97
Lezhë 78
