Bien infektimet nga Covid në vendin tonë. Sipas Ministrisë së Shëndetësisë jatë 24 orëve të fundit janë regjistruar 52 raste të reja në 500 testime të kryera. Fatmirësisht nuk ka patur asnjë humbje, ndërkohë që në spitale raportohen të shtruar vetëm 3 pacientë.
Njoftimi
COVID19/ Ministria e Shëndetësisë: 500 testime, 52 qytetarë të infektuar, asnjë humbje jete dhe 20 të shëruar në 24 orët e fundit
Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Çdo qytetar mbi 12 vjeç, mund të vaksinohet në qendrat shëndetësore.
MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese.
Qytetarët mbi 60 vjeç dhe ata me imunitet të dobët, që kanë kaluar 4-6 muaj nga kryerja e dozës së tretë, mund të marrin dozën e katërt të vaksinës anti-Covid, sipas rekomandimit të mjekut të familjes.
Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 500 testime, nga të cilat kanë rezultuar pozitivë me COVID19, 52 qytetarë, në këto bashki:
28 në Tiranë, nga 3 qytetarë në Fier, Roskovec, Lushnje, Vlorë, nga 2 qytetarë në Divjakë, Selenicë, Gjirokastër, nga 1 qytetar në Shkodër, Durrës, Kamëz, Kavajë, Himarë, Sarandë.
Janë 328 qytetarë aktivë me Covid19 në gjithë vendin.
Aktualisht në spitalin COVID3 po marrin trajtim 3 pacientë. Në 24 orët e fundit nuk ka asnjë humbje jete me Sars-Cov2.
Janë shëruar 20 qytetarë gjatë 24 orëve të fundit, duke e çuar numrin e të shëruarve në 272,865 që nga fillimi i epidemisë.
Statistika (11 Qershor 2022)
Raste të reja ditore 52
Të shëruar në 24 orë 20
Të shtruar në spitale 3
Humbje jete në 24 orë 0
Testime ditore 500
Testime totale 1,834,723
Raste pozitive 276,690
Raste të shëruara 272,865
Raste Aktive 328
Humbje jete 3,497
Shpërndarja gjeografike e rasteve aktive sipas qarqeve:
Tiranë 232
Fier 44
Vlorë 20
Korçë 8
Shkodër 7
Durrës 6
Elbasan 4
Gjirokastër 4
Berat 2
Lezhë 1
