Aktualitet

COVID 3/ Rakacolli: Do jenë funksional 50 shtretër, gati stafi mjekësor


Bëhu pjesë e Grupit Zyrtar të Opinion.al
>> KËTU <<
               Publikuar në : 20:45 - 28/10/20 |
Opi Nion

Zv/Ministrja e Shëndetësisë dhe kryetarja e Komitetit Teknik të Ekspertëve Mira Rakacolli ka deklaruar se kapacitetet spitalore janë duke u ezauruar.

Sipas saj, ka ende 40 shtretër të lirë në spitalin “Shefqet Ndroqi”, të gatshëm për të pritur pacientët që kanë nevojë për trajtim të specializuar, nga 200 shtretër të disponueshëm në këtë spital, ndërsa “Infektivi” që disponon 120 shtretër, tashmë është ezauruar, por gjithsesi ajo theksoi se shtrimi dhe shërimi i pacientëve, është një proces dinamik nga i cili varen edhe kapacitetet.

 “Siç e kemi thënë në fillim, kur të mbushen kapacitetet plotësisht të Covid 1 dhe 2 do të kalohet tek Covid 3. Edhe pse nuk është kollaj të përgatiten strukturat, ne jemi të përgatitur dhe Covid 3 është gati për të filluar në momentin e parë që do të jetë nevoja. Ndërkohë nga 120 shtretër në “Infektiv” dhe gati 200 të tjerë tek “Shefqet Ndroqi”, janë gati 40 shtretër ende të lirë. Njerëzit shërohen dhe duhet të themi që ky është një proces dinamik”.

Rakacolli wshtw shprehur se janë mbi 80 infermierë, të cilët janë duke u trajnuar për të dhënë ndihmën ndaj pacientëve të infektuar nga Covid-19, ka mjekë dhe specializantë që sipas saj, edhe ata janë në trajnim.

Zv/ministrja tha se në Covid 3, nuk do të hapen menjëherë 150 shtretërit, sa është kapaciteti i tij maksimal, por do të jenë të disponueshëm 50 të tillë fillimisht.

“Covid 3 dhe 4, janë menduar që do të hyjnë në veprim gradualisht. Kemi parashikuar infrastrukturën dhe kemi vendosur aparatet, kemi  menduar edhe për burimet njerëzore, janë mbi 80 infermierë, kemi mjek infeksionistë që janë duke u trajnuar, kemi specializantë që edhe ata janë në trajnim të cilët do të vihen në dispozicion të trajtimit të sëmundjes. Nuk do të hapen që në fillim 150 shtretër por do të jenë funksional 50 si fillim, dhe më pas gradualisht do të procedohet në varësi të situatës. Kujdesi në Covid 3 do të jetë një kujdes terciar nga mjekët”.

Rakacolli foli edhe për trajtimin e pacientëve të sëmurë në shtëpi, dhe spital, si dhe për medikamentet me të cilat luftohet sëmundja.

Ajo tha se nuk ka ende një trajtim specifik për Covidin, dhe se në varësi të simptomave të rënda, apo të lehta tek pacientët, përdoren medikamentet të cilët specialistët rekomandojnë.

“Pacienti që trajtohet në shtëpi është ndryshe nga ai që trajtohet në spital, Covidi nuk ka një trajtim specifik, sëmundja trajtohet sipas fazës dhe në bazë të simptomave të të sëmurit”./Burimi: ABC News

Pas