Ulen shifrat e infektimeve dhe të fataliteteve të shkaktuara nga Covid-19 në Kosovë. Instituti Kombëtar i Shëndetësisë Publike bën me dije se në 24 orët e fundit kanë humbur jetën 6 persona dhe janë konfirmuar të infektuar me koronavirus 48 qytetarë.
Ministria e Shëndetësisë në Kosovë bën me dije gjithashtu se 903 persona janë shëruar nga sëmundja ndërsa 8.903 persona janë ende aktivë në koronavirus.
Prej shpërthimit të pandemisë në mars të vitit 2020, autoritetet shëndetësore në Kosovë kanë regjistruar mbi 159.000 raste të infektimit.
Prej tyre 2.905 persona kanë vdekur./Opinion.al
