Turqia ka vendosur të përdorë vaksinën kineze për të luftuar pandeminë e koronavirusit.
Mediat transmetojnë se shteti turk do të pranojë dërgesën e parë të vaksinës pasi testet treguan se ishte 91% efektive. Lajmi është bërë i ditur nga ministri i Shëndetësisë në Turqi, Fahrettin Koca.
Bëhet me dije se Turqia fillimisht do të marrë tre milion doza të “Sinovac” dhe do të ketë mundësinë për 50 milionë më shumë ndërsa fillon vaksinimet muajin tjetër. Në listën kryesore të vaksinimit do të jenë mjekët dhe grupet e rriskut.
Ministri i Shëndetësisë i Turqisë Koca tha se dërgesat e para të vaksinës kineze do të nisen në Turqi të dielën.
Turqia “do të jetë në gjendje të vaksinojë 1.5 milionë apo edhe dy milionë njerëz në ditë”, tha Koca, duke shtuar se “faza e parë e vaksinimeve do të mbulonte nëntë milion njerëz”.
“Ankaraja në ditët e ardhshme do të nënshkruajë gjithashtu edhe një marrëveshje me Pfizer/BioNTech për 4.5 milionë doza” tha Koca./Opinion.al
