Maqedonia e Veriut vijon të ketë shifra të larta të koronavirusit teksa në 24 orët e fundit janë regjistruar 182 raste të reja me COVID-19 dhe 6 viktima.
Maqedonia e Veriut vijon të regjistrojë viktima gjatë 24 orëve nga Covid-19.
Në përditësimin e fundit të shifrave, Ministria e Shëndetësisë njoftoi se 6 persona të tjerë humbën jetën si pasojë e pandemisë.
Numri i rasteve të reja në vend u rrit me 182 duke e çuar totalin në 4664 të infektuar nga të cilët 216 kanë humbur jetën.
Sipas qyteteve Shkupi mbete vatra më e madhe me 107 raste të reja, ndërsa në total 2243. Në Tetovë ka 23 raste të reja kurse gjithsej 481. Në Kumanovë u shënuan 14 raste të reja, ndërsa gjithsej janë shënuar 668 të infektuar. Në Resnjë 13, Ohër 6, Strugë 5, nga 4 në Gostivar dhe Shtip, 2 në Manastir dhe nga 1 në Strumicë, Berovë, Koçan dhe Negotinë. /Opinion.al
