Aktualitet

COVID-19/ Spahia: Qeveria fajëson qytetarët, kanë dështuar


Bëhu pjesë e Grupit Zyrtar të Opinion.al
>> KËTU <<
               Publikuar në : 19:15 - 26/11/20 |
Opi Nion

Partia Demokratike ka reaguar në lidhje me situatën e krijuar nga pandemia COVID-19 në Shqipëri.

Ish-deputeti Bardh Spahia është shprehur përmes një postimi në rrjetet sociale se qeveria po tallet me qytetarët duke thënë se ata shkojnë me vonesë në spitale pasi kanë shfaqur simptomat e COVID-19.

Teksa i referohet deklaratës së ministres së Shëndetësisë, Ogerta Manastirliu, ish-deputeti shkruan; “të tentosh të mbulosh dështimin e plotë duke ua faturuar qytetarëve me vonesën e shtrimit në spital është tallje e pacipë me ta dhe është më së paku çnjerëzore”.

Reagimi

DESHTIMI I PLOTE NUK MBULOHET DUKE JA HEDHUR FAJIN NJEHERE MJEKEVE E NJEHERE QYTETAREVE.

Mirë që i kanë braktisur mjekët e qytetarët në këtë betejë me një virus vdekjeprurës por edhe tallen me ta, pa pikë turpi! Me zë e figurë ministrja e shëndetësisë paska fajësuar qytetarët që sipas saj shkokan me vonesë në spitale!!! “Mos ejani vonë në spitale…“ ka thënë Ogerta sot në parlament”. Të mos e dijë vallë Ogerta se asnjë qytetar i prekur me Covid-19, nuk ka shansin t’i afrohet spitalit në mënyrë private, se thjesht nuk e qasin, pasi kohën e shtrimit në spital e përcakton vetëm Urgjenca Kombëtare, 127-a? Natyrisht që këtë Ogerta e di shumë mirë! E di sepse vetë mjekët e dy spitaleve Covid ankohen për sjelljen në spital të pacientëve në gjendje të rënduar, duke sjellë bilancin fatkeq të vdekshmërisë gati 100% të pacientëve në intubim! Se kush vendos shtrimin në spital këtë e di mirë secili nga pacientët e familjarët që ka patur atë eksperiencë të vështirë! Të tentosh të mbulosh DESHTIMIN e plotë duke ua faturuar qytetarëve me vonesën e shtrimit në spital është tallje e pacipë me ta dhe është më së paku cnjerëzore! Por ky rregjim nuk njeh model tjetër e prandaj do shembet më 25 Prill!/ Opinion.al

Pas