Pas pushimeve të zgjatura për shkak të COVID-19, ditën e sotme rikthehen në bankat e shkollës nxënësit e sistemit parauniversitar.
Ministrja e Arsimit Evis Kushi duke i uruar suksese nxënësve, njoftoi se janë marrë të gjitha masat për respektimin e distancimit.
“Uroj çdo nxënës e mësues për një rifillim sa më të mbarë të procesit mësimor dhe apeloj fort që të vazhdojmë të jemi shumë të kujdesshëm në zbatimin e masave”, ishte mesazhi i saj në rrjetet sociale.
Komiteti teknik i ekspertëve ndërkohë njoftoi javën që lamë pas se studentët do të vazhdojnë mësimin online edhe pse kjo është konsideruar jo efektive nga ana e tyre, sidomos studentet e lëndëve praktike./ Opinion.al
