Situata e krijuar nga koronavirusi po shkon drejt përmirësimit në Gjermani. Prej disa ditësh, ky shtet ka pasur ulje të numrit të viktimave dhe të infektuarve.
Mësohet se në 24 orët e fundit në Gjermani u regjistruan 43 viktima dhe 679 të infektuar me COVID-19.
Deri më tani në Gjermani, 6692 persona e kanë humbur betejën përballë virusit të ri me origjinë nga Kina, ndërsa 163 mijë të tjerë janë mbartës të tij.
Një ditë më parë autoritetet gjermane vendosën të lirojnë më tej masat shtrënguese duke lejuar hapjen e kishave dhe xhamive, por gjithmonë duke zbatuar rregullat e distancimit social./ Opinion.al
