955, 498 vaksinime anti COVID janë kryer në Shqipëri që nga fillimi i fushatës së vaksinimit. Ministrja e Shëndetësisë, Ogerta Manastirliu, përmes një postimi në rrjetet sociale, bën me dije se në 24 orët e fundit janë kryer 12,059 vaksinime.
Gjatë ditës së sotme, në orën 08:00 të mëngjesit është hapur dita e parë e vaksinimit anti-COVID, për qytetarët mbi 18-vjeç që kanë dëshirë që të vaksinohen. Vaksinimi i hapur për çdo qytetar vijon sot dhe nesër nga ora 8:00 të mëngjesit dhe do të përfundojë në 20:00 të mbrëmjes.
24,040 vaksina anti-COVID kanë mbërritur në Shqipëri, një ditë më parë, ndërkohë që në total deri më tani në vend kanë ardhur 1,103,690 doza./ Opinion.al
